కె.ఎన్.వి.ఎం.వర్మ//ఓ...ఆలింగనం//

కె.ఎన్.వి.ఎం.వర్మ//ఓ...ఆలింగనం//

మకరందం నిండి
మత్తిల్లి గాలిఊయలూగుతూ
ముద్ద బంతి
మట్టి వాసన వేసినట్టు

ఆకాశాన్ని మింగిన కరి మేఘం
అరవీర ఘర్జనలు చేస్తూ
ఆకుపచ్చని
అభిషేకించ వర్షించినట్టు

కోనసీమ కొంగుబట్ట
కోటిలింగాల రేవు దాటి
కటి సంద్రానికి గోదారి
కాలమై తరలినట్టు

ఉగ్రరూపి కపాళదారిణి
ఉత్త అలంకారానికే మావుళమ్మ
ఊరికంతా
ఉక్కిరి బిక్కిరయ్యే సంపదిచ్చినట్టు

మాలలా అల్లుకొని
మరొకసారి బాపూ అలయ్ బలయ్ లని
మనిషొకడు
మనిషి వాసన వేస్తూ మిగిలినట్టు.....23.08.2014.